Mahsulot raqobatbardoshligini baholash usullari va ulardan foydalanish muammolari

Abstract

Bugungi mahsulot va xizmatlar bozorlarining globallashuvi sharoitida tadbirkorlik subyektlarining bozordagi
muvaffaqiyatli faoliyati ushbu korxonalarning raqobatbardoshligiga, ayniqsa, ular tomonidan ishlab chiqarilayotgan mahsulotning
raqobatbardoshligiga bevosita bog‘liq. Mahsulot raqobatbardoshligini ta’minlash uchun avvalo ushbu mahsulotlarning
raqobatbardoshligini aniqlash va uning darajalariga baho berish talab qilinadi. Baholash usullarining to‘g‘ri
tanlanilishi va baholash amaliyotini sifatli amalga oshirilishi korxonaning keyingi iqtisodiy faoliyatini belgilovchi omillardan
biri bo‘lganligi sababli, ushbu jarayonga ilmiy yondashuv talab etiladi. Ushbu maqolada korxonalarda mahsulot raqobatbardoshligini
aniqlash va uning darajalariga baho berish amaliyotini tashkil etishga ilmiy jihatdan yondashishga harakat
qilindi.