O‘zbekistonda sog‘lomlashtirish turizmining holati

Аннотация

Mazkur maqolada O‘zbekistonda sog‘lomlashtirish turizmining rivojlanish holati va uning iqtisodiy
mexanizmlari tahlil qilinadi. Sog‘lomlashtirish turizmining mamlakat iqtisodiyotiga ta’siri, uning rivojlanishi uchun zarur
bo‘lgan moliyaviy va institutsional sharoitlar hamda mavjud muammolar yoritiladi. Tadqiqot natijalari sog‘lomlashtirish
turizmining iqtisodiy samaradorligini oshirish bo‘yicha tavsiyalarni o‘z ichiga oladi.
Ushbu tadqiqotda sog‘lomlashtirish turizmining barqaror rivojlanishi uchun zarur bo‘lgan infratuzilma, investitsion loyihalar,
davlat-xususiy sheriklik mexanizmlari va turizmning mamlakat yalpi ichki mahsulotiga qo‘shayotgan hissasi haqida batafsil
ma’lumotlar keltirilgan. Xalqaro tajribalarga asoslanib, Germaniya, Janubiy Koreya va Turkiyada sog‘lomlashtirish turizmi
qanday rivojlanganligi va O‘zbekiston uchun qanday muhim saboqlar olish mumkinligi haqida xulosalar chiqarilgan.
Maqolada ilmiy tahlil usullari, statistik ma’lumotlar, ekspert fikrlari va turistik obyektlarda o‘tkazilgan so‘rovnomalar
natijalaridan foydalanilgan. Olingan natijalarga ko‘ra, sog‘lomlashtirish turizmining iqtisodiyotga ta’sirini yanada
kuchaytirish uchun davlat tomonidan qo‘llab-quvvatlash dasturlarini kengaytirish, marketing strategiyalarini rivojlantirish
va xorijiy investorlarni jalb qilish muhim ekanligi aniqlangan.