To‘qimachilik korxonalarida xomashyo ta’minoti tizimini boshqarish samaradorligini oshirish

Аннотация

Ushbu tadqiqotda to‘qimachilik sanoatida xomashyo ta’minoti tizimini boshqarish samaradorligini oshirish
masalasi tahlil qilinadi. Xomashyo ta’minoti tizimi ishlab chiqarish jarayonining uzluksizligi, mahsulot sifati va tannarx
optimallashuvi uchun muhim omillardan biri hisoblanadi. Tadqiqot davomida yetkazib beruvchilar bilan hamkorlik, logistika
jarayonlarini optimallashtirish, ekologik barqarorlik va IT texnologiyalarni joriy etish kabi asosiy omillar o‘rganildi. Olingan
natijalar shuni ko‘rsatadiki, samarali ta’minot tizimini yo‘lga qo‘yish uchun yetkazib beruvchilar bilan uzoq muddatli
hamkorlikni rivojlantirish, logistika tizimini modernizatsiya qilish va zamonaviy axborot texnologiyalaridan foydalanish
zarur. Shuningdek, ekologik barqarorlikni ta’minlash uchun yashil ta’minot zanjirlarini shakllantirish muhim ahamiyat kasb
etadi. Tadqiqot natijalari asosida to‘qimachilik sanoati korxonalarida xomashyo ta’minoti tizimini optimallashtirish bo‘yicha
strategik tavsiyalar ishlab chiqildi.