Mulkiy soliqlarning hududlar iqtisodiy oʻsishiga taʼsiri

Аннотация

Soliqlar iqtisodiy oʻsishga taʼsirini aniqlash zamonaviy, ijtimoiy-iqtisodiy, texnologik, ekologik va boshqa
muammolar sharoitida alohida ahamiyat kasb etmoqda. Iqtisodiy holatni eng kam darajada buzuvchi mulkiy soliqlar koʻplab
tadqiqotchilarning diqqatini oʻziga jalb etmoqda va raqamlashtirish sharoitida iqtisodiy rivojlanishning ijobiy dinamikasini
taʼminlash uchun moliyaviy siyosatning potensial vositasi sifatida koʻrib chiqilmoqda. Ushbu soliqlar daromadlar
tengsizligini qisqartirishga, ish bilan bandlik va daromadlar darajasining oʻsishiga, yerdan samarali foydalanishga yordam
beradi.
Aksariyat xorijiy olimlar koʻpincha mulkiy soliqlarning iqtisodiyotda resurslarni taqsimlashni buzishi, iqtisodiy agentlarning
investitsiya qilish borasidagi qarorlarini oʻzgartirishi, turar joy fondi oʻsish surʼatlariga taʼsiri, daromadlar tengsizligini
qisqartirishi va soliq tizimlarining tashqi zarbalariga chidamliligini oshirishi nuqtayi nazaridan oʻrganadilar. Koʻpchilik
mualliflar koʻchmas mulk soligʻini toʻgʻri soliq solish mexanizmi ishlab chiqilgan taqdirda iqtisodiy faoliyatga salbiy taʼsir
koʻrsatmaydigan va iqtisodiy oʻsishga toʻsqinlik qilmaydigan soliqlardan biri sifatida koʻradilar.
Maqola yakunida mulkiy soliqlardan unumli foydalanish boʻyicha xulosa va takliflar ilgari surilgan boʻlib, ular mahalliy
darajada barqaror iqtisodiy oʻsishni taʼminlash va aholi farovonligini oshirish yoʻlida amaliy ahamiyat kasb etadi.