Biohududlar yashil maqsadlarga erishish yoʻlidagi ahamiyati

Аннотация

Dunyo miqyosida jamiyat tomonidan qoʻllab-quvvatlanadigan qishloq xoʻjaligi (CSA), fermer bozorlari, qayta
tiklanuvchi qishloq xoʻjaligi kabi tashabbuslar oziq-ovqat tizimlari va qishloq joylarini barqaror rivojlantirishga qaratilgan.
Ushbu tashabbuslar, asosan, mahalliy muammolarni hal qilishga yoʻnaltirilgan boʻlsa, biohududlar ekologik, ijtimoiy,
iqtisodiy va madaniy jihatlarni birlashtirgan holda barqaror rivojlanish uchun integrasiyalangan yondashuvni taklif etadi.
Evropadagi muvaffaqiyatli biohududlar misoli va ularning ijtimoiy-iqtisodiy hamda ekologik ta'sirlarini tahlil qilish asosida,
ushbu konsepsiyaning Oʻzbekiston sharoitida dolzarbligini baholash imkoni yaratiladi.
Oʻzbekistonda biohududlarning joriy etilishi mamlakatning yashil maqsadlariga erishishda, shuningdek, atrof-muhit va
ijtimoiy-iqtisodiy muammolarni bartaraf etishda muhim ahamiyatga ega boʻlishi mumkin. Evropadagi biohududlarning
mahalliy rivojlanishga ta'sirini oʻrganish orqali Oʻzbekistonda jamiyat barqarorligini oshirish va ijtimoiy hamjihatlikni
mustahkamlash boʻyicha muhim ilmiy asoslar yaratiladi. Ushbu tadqiqot Oʻzbekistonda barqaror rivojlanish, atrof-muhitni
muhofaza qilish va ijtimoiy farovonlikni oshirishga qaratilgan aniq siyosat va dasturlarni ishlab chiqishga yordam beradi.
Garchi Oʻzbekistonda biohududlarga oid maxsus siyosat hozircha mavjud boʻlmasa-da, mavjud strategiyalar ularni milliy
siyosatga integrasiya qilish uchun asos boʻlib xizmat qiladi.