Elektr energiyasi samaradorligini yaxshilashga innovatsion va strategik yondashuvlar

Аннотация

Mazkur tadqiqotda O‘zbekiston energetika tizimida energiya samaradorligini oshirish va strategik
yondashuvlarni qo‘llash masalalari keng ko‘lamda o‘rganilgan. Unda innovatsion va energiya tejash texnologiyalarining
joriy etilishi, shuningdek, elektr energiyasi iste’molini optimallashtirish orqali iqtisodiy samaradorlikka erishish yo‘llari
batafsil tahlil qilingan. Tadqiqotning asosiy maqsadi resurslardan oqilona foydalanishni ta'minlash, barqaror rivojlanish
prinsiplariga amal qilish va strategik yondashuvlar yordamida energetika sohasida samaradorlikni oshirishdan iborat.
Energiya ishlab chiqarish va iste'molidagi yo‘qotishlarni kamaytirish maqsadida ekonometrik modellashtirish usullari
qo‘llanilib, amaliy yechimlar taklif etilgan. Bu yondashuv energetika tizimida resurslarni yanada samarali boshqarish
imkoniyatini yaratadi. Tadqiqot natijalari nafaqat energiya samaradorligini oshirish, balki ekologik xavfsizlikni yaxshilashga
yo‘naltirilgan muhim tavsiyalarni ishlab chiqishda ham asosiy ahamiyat kasb etadi. Ushbu tavsiyalar amaliyotga joriy
etilsa, energetika tizimining umumiy barqarorligi va samaradorligini sezilarli darajada oshirishga yordam beradi.