Dorivor o‘simliklar yetishtirishning dunyo mamlakatlari iqtisodiyotidagi o‘rni va xalqaro bozor savdosida prognozlar

Abstract

Bugungi kunda shiddat bilan rivojlanayotgan O‘zbekiston uzoq yillar davomida xalqaro iqtisodiy muhitda
o‘zini k o‘p jihatdan agrar mamlakat sifatida namoyish etib kelgan. Bunda xalqaro bozorlarda asosan paxta, bug‘doy,
meva-sabzavot va poliz ekinlarini sotuvga chiqarib kelganmiz. So‘nggi yillarda qishloq xo‘jaligiga bo‘layotgan alohida
e’tibor va xalqaro bozorda yuqori qiymatli ekinlarga bo‘layotgan talab, bir tomondan yuqori qiymatli o‘simliklarni xalqaro
bozorga taqdim etish har tomonlama foydali va daromadli ekanligini hisobga olgan holda bugungi kunda dorivor o‘simliklarni
yetishtirish va ularni xalqar bozorga taqdim etish masalalari kun tartibimizda alohida o‘rin egallab turibdi. Ushbu
maqola bugungi kunda xalqaro bozorda dorivor o‘simliklarga bo‘layotgan talablar va ularga mamlakatimiz taqdim etayotgan
takliflar haqida. Shu o‘rinda xalqaro bozorga to‘g‘ri yo‘sinda taklif etish ishlari bo‘yicha marketing tajribalari ham
keltirib o‘tilgan. Birinchidan, bugungi kunda mamlakatimiz yetishtirayotgan dorivor o‘simliklar hajmi va ularning holatiga
e’tibor qaratildi, ichki va tashqi bozorga taklif etish jarayonlarida tahdid va ularning sabablari o‘rganildi. Bunda, tadqiqot
dorivor o‘simliklarga asoslangan o‘simliklar bozori tizimini tanqidiy o‘rganib chiqdi, ayniqsa sanoatni xaritalash uchun
funksiya yoki yetishtirishning qiymat zanjiriga alohida e’tibor qaratildi. Bozor tizimini tushunish uchun, uni tubdan analitik
tarzda sarhisob qilish uchun kuchli tomonlari, zaif tomonlari, o‘rganildi, shu bilan bir qator o‘rganilgan ilmiy tadqiqotlar
natijalari va ular asosida kelgusidagi prognozlar ko‘rib chiqildi. Shu yo‘sinda natijalar tahlil qilinib a rivojlanishi uchun
foydali fikrlarni taqdim etildi.