Pul oqimlari hisobotini tahlil qilishning strategik ahamiyati

Abstract

Bugungi kunda har qanday xo‘jalik yurituvchi subyektning moliyaviy resurslarining asosiy turi pul mablag‘lari
hisoblanadi. Biroq, anʼanaviy tahlil uslublari va ko‘rsatkichlari, afsuski, bir qator sabablarga ko‘ra subyektning moliyaviy
holatini yetarlicha baholash imkonini bermaydi. Bu holat o‘z navbatida strategik ahamiyat kasb etadi. Asosiy biznes
jarayonlar (sotish, investitsiya, ishlab chiqarish) samaradorligini baholashda bu masala o‘z taʼsirini ko‘rsatadi. “Pul oqimlari
hisoboti”ni tahlil qilish orqali ushbu muammoni bartaraf etish mumkin. Shu sababli, ushbu maqolada muallif pul oqimlari
hisobotini tahlil qilishning strategik ahamiyati haqida fikr yuritib, uning bugungi kundagi dolzarbligini asoslaydi va ushbu
hisobotdan foydalanish maqsadga muvofiqligini eʼtirof etadi.