Banklarda moliyaviy resurslarni boshqarishning ayrim rivojlangan mamlakatlar tajribasi

Abstract

Mazkur maqolada banklarda moliyaviy resurslarni shakllantirish va boshqarishda rivojlangan mamlakatlari
tajribasi o‘rganilgan va asosiy ko‘rsatkichlar tahlili ko‘rib chiqilgan. Tijorat banklari moliyaviy resurslarni boshqarishning
nazariy jihatlari, boshqarishning zarurligi va o‘ziga xos jihatlari hamda boshqa qator jihatlari atroflicha o‘rganildi va tadqiq
etildi. Mazkur maqolada ayrim rivojlangan mamlakatlar, xususan AQSh, Xitoy kabi mamlakatlar tijorat banklari moliyaviy
resurslarini boshqarish tajribasi va rivojlanish xususiyatlari borasida tadqiqot ishini davom ettiramiz. Rivojlangan mamlakatlar
bank amaliyotida resurslarni jalb etish holatini taqqoslama tarzda o‘rganish respublikamiz tijorat banklari resurslarini
samarali boshqarish yuzasidan chora–tadbirlar va tegishli siyosatni ishlab chiqishda muhim hisoblanadi.
Tadqiot material va metodlariga ko‘ra mavzu yuzasidan bir qator xorijiy hamda mamlakatimizning iqtisodchi-olimlari tomonidan
berilgan ta’riflar hamda fikrlari o‘rganilib, muallif tomonidan sharhlanib ularning mazmuni ochib berilgan.
Shuningdek maqolada O‘zbekiston Respublikasi tijorat banklari moliyaviy resurslarini boshqarish bo‘yicha normativ
huquqiy hujjat loyihasini ishlab chiqishda, tijorat banklarida aktivlarni boshqarishga qaratilgan chora-tadbirlar dasturini
ishlab chiqish borasida taklif va amaliy tavsiyalar berilgan.
Rivojlangan mamlakatlari tajribasini o‘rganish davomida mamlakatimiz tijorat banklarida moliyaviy resurslarni boshqarish,
ularni boshqarishning qulay bo‘lgan usullarini qo‘llashga doir nazariy va amaliy bilimlarni kengaytirish yo‘llari o‘rganilib,
iqtisodiyot yo‘nalishlaridagi oliy o‘quv yurtlarida bank faoliyati bilan bog‘liq fanlarni o‘qitish, o‘quv dasturlari, darslik va
o‘quv qo‘lanmalarni tayyorlash, shu bilan birga tadqiqot mavzusi bo‘yicha ilmiy izlanishlar olib borayotgan tadqiqotchilar
uchun manba sifatida keng foydalanish masalalari bo‘yicha takliflar keltirilgan.