Ilm-fanga baxshida umr

Abstract

Nabi Saidkarimovich Ziyadullayev

Hurmatli Nabi Saidkarimovich!
Sizni o‘zim nomimdan va Toshkent davlat iqtisodiyot universiteti jamoa a’zolari nomidan sharafli 80 yillik
yubileyingiz munosabati bilan samimiy tabriklayman!
Sizni mintaqa va jahon iqtisodiyoti, shuningdek, milliy iqtisodiyotni boshqarishni modellashtirish sohasidagi
taniqli iqtisodchi olim sifatida nafaqat O‘zbekistonda, balki yaqin va uzoq xorijiy mamlakatlarda ham juda
yaxshi qadrlashadi. Sizning ko‘p sonli kitoblaringiz va ilmiy maqolalaringiz samarasi o‘laroq, yetuk iqtisodchi-olimlarning
ko‘p sonli avlodlari yetishib chiqdi.
Siz, Vatanimiz O‘zbekistonning ijtimoiy-iqtisodiy taraqqiyotida ulkan hissa qo‘shgan taniqli akademik Said-
Karim Ziyadullayev oilasida tug‘ilganganingiz, akademik Vosil Qobilovich Qobilov yaratgan katta maktabni o‘taganligingiz,
sharafli o‘zbek akademik fani an’analarini to‘g‘ridan to‘g‘ri davom ettiruvchisi bo‘lib shakllanishingizda
muhim asos bo‘lib xizmat qildi.
Biz shu bilan faxrlanamizki, 1965-yilda Siz, Nabi Saidkarimovich, bizning Toshkent xalq xo‘jaligi institutimizni
imtiyozli diplom bilan tamomladingiz va u yerda, 1968-yilda iqtisod fanlari nomzodi bo‘ldingiz. 1975-yilda esa
“O‘zbekiston yengil sanoati rivojlanishini optimallashtirishning hududiy muammolari” mavzusida iqtisod fanlari
doktori ilmiy darajasini olish uchun doktorlik dissertatsiyasini himoya qildingiz. 1978-yilda professorlik ilmiy
unvoni va o‘sha yili fan va texnika sohasida laureatlarni qo‘lga kiritdingiz. O‘zbekistondagi eng yosh fan doktorlari
va professorlaridan biri sifatida labaratoriya mudiri, O‘zFA HM kibernetika institutining fan bo‘yicha direktori
o‘rinbosari, Toshkent xalq xo‘jaligi instituti (hozirgi TDIU)ning ilmiy ishlar bo‘yicha prorektori, “O‘zbekyengilsanoat”
davlat assotsiatsiyasi Ilmiy ishlab chiqarish boshqarmasining bosh direktori lavozimlarida faol ish olib
bordingiz, 1991-yilda O‘zbekiston Respublikasi FAning korrespondent-a’zosi etib saylandingiz.
1995-yilda akademik S.S.Shatalin taklifiga binoan Iqtisodiy va ijtimoiy islohotlar xalqaro fondiga ishga o‘tib,
u yerda 1997-2005-yillar oralig‘ida vitse-prezident lavozimida ishladingiz. Shundan so‘ng, RFA istiqbolli ilmiy
tadqiqotlari instituti va Bozor muammolari institutining bosh ilmiy xodimi, 2013-2016-yillarda esa RFA IPRning
fan bo‘yicha direktori o‘rinbosari lavozimlarida o‘z mehnat faoliyatingizni davom ettirdingiz. 2008-yildan e’tiboran
Yevrosiyo Iqtisodiy integratsiyasi RFA ilmiy Kengashining a’zosi, 2021-yildan esa akademik S.Yu. Glazev
bilan hamkorlikda Markaziy Osiyo komissiyasining ijrochi rasi bo‘ldingiz. Shuningdek, “Markaziy Osiyo iqtisodiyoti”
jurnalining Bosh muharriri hamdirsiz.
Siz tomoningizdan O‘zbekistonda 7 ta fan doktorlari (O.Yu. Rashidov, S.S. Gulyamov, A.V. Serbulov, Sh.M.
Kamilov, A.U. Abduraximov, Sh.A. Alimov, V.P. Ovcharenko) va 50 ta fan nomzodlari tayyorlandi. Sa’y-harakatlaringiz
bilan qariyb 400 ta ilmiy ishlar, shu jumladan, 24 ta hammualliflikdagi va yakka mualliflikdagi monografiyalar
chop etilgan1.
So‘nggi 30 yildan ortiqroq vaqt davomida Siz, Nabi Saidkarimovich, sobiq sovet davlatlari iqtisodiy transformatsiyasi
jarayonini tadqiq etish hamda yangi mustaqil davlatlar suveren rivojlanishi amaliyotini tahlil qilish
asosida o‘tish davri iqtisodiyoti nazariyalarini shakllantirishning ilmiy asoslarini yaratishda faol ishtirok etib kelmoqdasiz.
Ayniqsa, Rossiya Federatsiyasi va O‘zbekiston Respublikasi iqtisodiy rivojlanishining istiqbollari va
strategiyalari, tizimli transformatsiyasi va zamonaviy holatining o‘ziga xos jihatlarini xolis va har tomonlama
tahlil etayotganingiz yanada qiziqish uyg‘otadi.
Siz, Nabi Saidkarimovich, ilmiy-tashkiliy hamda ijtimoiy ishlarda ham bevosita qatnashish hamda yaqindan
hamkorlik qilishda davom etmoqdasiz. Yirik ilmiy tadbirlarning, xususan, Toshkent davlat iqtisodiyot universitetida
bo‘lib o‘tgan “O‘zbekiston Respublikasining harakatlar strategiyasi: makroiqtisodiy barqarorlik, investitsion
faollik va innovatsion rivojlanish istiqbollari” mavzusidagi I-Xalqaro ilmiy-amaliy konferensiyaning hamtashkilotchisidirsiz.
Bundan tashqari, 2017-yildan Toshkent davlat iqtisodiyot universiteti va Rossiya Federatsiyasining yetakchi
akademik hamda o‘quv muassasalari bilan hamkorlikni o‘rnatishda ilmiy-uslubiy hamda tashkiliy yordamlarni
o‘z vaqtida ko‘rsatib kelmoqdasiz.
Iqtisodiy fanning rivojlanishi hamda rus-o‘zbek ilmiy aloqalarini chuqurlashtirishga qo‘shgan ulkan hissangizni
inobatga olgan holda, Sizga Rossiya Federatsiyasi Prezidentining 2018-yil 26-martdagi Farmoni bilan
“Rossiya Federatsiyasida xizmat ko‘rsatgan fan arbobi” unvoni va shuningdek, O‘zbekiston Respublikasi
Prezidentining 2022-yil 29-avgustdagi Farmoniga ko‘ra “Do‘stlik” ordeni bilan taqdirlanganingiz bejiz emas,
albatta.
Ushbu tantanali vaziyatdan foydalangan holda Sizga, hurmatli Nabi Saidkarimovich, mustahkam sog‘lik,
oilaviy baxtu saodat yor bo‘lishini tilab qolamiz!
Umringiz uzoq bo‘lsin va Sizning chashmadek ilmingiz, ko‘lamli bilimlaringiz yana ko‘p yillar davomida
iqtisodiyotning barqaror rivojlanishiga xizmat qilsin!
Hurmat bilan,

Baxtiyor Islamov
Iqtisod fanlari doktori, professor