Yangi Oʻzbekistonda baholovchi tashkilotlar reytingini baholash va renkingini aniqlash mexanizmining tashkiliy va huquqiy asoslarini takomillashtirishning zarurligi

Abstract

Ushbu maqola Yangi Oʻzbekistonda baholovchi tashkilotlar reytingini baholash va renkingini aniqlash
mexanizmining tashkiliy va huquqiy asoslarini takomillashtirish masalalarini oʻrganishga qaratilgan. Baholovchi tashkilotlar
reytinglari zamonaviy iqtisodiyot va ijtimoiy jarayonlarda muhim vosita hisoblanadi. Ushbu reytinglar faoliyatning turli
sohalarini obyektiv va ishonchli baholashga imkon beradi, shuningdek, tashkilotlar va davlatlar oʻrtasida raqobatni
tartibga solishga yordam beradi. Maqolada reytinglarni shakllantirishdagi asosiy omillar, ishlab chiqarish va xizmatlar
sifatini baholash, qonunchilik va me'yoriy hujjatlar, hamda zamonaviy texnologiyalarning rollari koʻrib chiqiladi.
Tashkiliy asoslar, reyting tashkilotlarning mustaqilligi va obyektivligini ta'minlashning ahamiyatiga e'tibor qaratilgan.
Shuningdek, reytinglar aniqligi va ishonchliligini ta'minlash uchun huquqiy va normativ-huquqiy asoslarni
takomillashtirishning zarurligi ta'kidlanadi. Zamonaviy texnologiyalar va xalqaro standartlar asosida reyting aniqlash
mexanizmining samaradorligini oshirish imkoniyatlari oʻrganilgan. Maqola baholovchi tashkilotlarning samarali faoliyatini
ta'minlash uchun zarur boʻlgan huquqiy va tashkiliy me'yorlarning mukammallashtirilishini taklif qiladi.
Tadqiqotlar natijalari reytinglarni shakllantirish va baholovchi tashkilotlarning faoliyatini takomillashtirishga qaratilgan
qoʻshimcha tadqiqotlarning muhimligini koʻrsatadi.