Surxondaryo viloyatida parrandachilik tarmog‘ini rivojlantirish istiqbollari

Abstract

Ushbu maqola Surxondaryodagi parrandachilik tarmog‘ining hozirgi iqtisodiy holati, uning rivojlanish
tendensiyalari va istiqbollarini o‘rganadi. Surxondaryoda parrandachilik sohasini yanada rivojlantirish uchun zarur bo‘lgan
islohatlar muhokama qilinadi. Tadqiqot natijasiga ko‘ra, Surxondaryoning parrandachilik sohasi so‘ngi yillarda sezilarli
o‘sishni boshdan kechirmoqda, ammo uning to‘liq salohiyatiga erishish uchun import qilinadigan ozuqa mahsulotlariga
qaramlikni kamaytirish, viloyatda parrandachilik bilan shug‘ullanadigan kichik va o‘rta biznesga davlat qo‘llab-quvvatlovini
yana kuchaytirish, ozuqa tayyorlash texnologiyalari va veterinariya xizmatlarining rivojlantirish zarur. Shu bilan birga,
viloyatda ishlab chiqariladigan yalpi hududiy mahsulot hajmida sohaning ulushini yanada oshirish uchun parrandachilik
uchun zarur infratuzilmani rivojlantirish, parranda go‘shti va tuxum eksportini oshirish, mahalliy don va ozuqabop ekinlar
yetishtirishni rag‘batlantirish, xususiy sektor va xorijiy investorlarni jalb qilish, agrar sohadagi universitetlar va ilmiytadqiqot
institutlari bilan hamkorlik qilish mexanizmlarini takomillashtirish talab etiladi.