Tijorat banklarida komplaens nazoratni takomillashtirish

Abstract

Tijorat banklarida komplaens nazorati moliyaviy tizim barqarorligini ta’minlash va huquqiy xatarlarga qarshi
kurashda muhim omillardan biri hisoblanadi. Ushbu maqolada jinoyat yo‘li bilan olingan daromadlarni legallashtirish,
ommaviy qirg‘in qurolini moliyalashtirish, firibgarlik va sanksiyaviy komplaens masalalari ko‘rib chiqiladi.
Jinoyat yo‘li bilan olingan daromadlarni legallashtirishga qarshi kurashda mijozlarni tekshirish (KYC), shubhali
operatsiyalarni kuzatish va xalqaro qonunchilik talablari asosida monitoring tizimlarini rivojlantirish zarurati ta’kidlanadi.
Ommaviy qirg‘in qurolini moliyalashtirish xavfini kamaytirish uchun xalqaro tashkilotlar (FATF, BMT, OFAC) standartlariga
rioya qilish va qora ro‘yxatlar bilan ishlash muhimligi yoritiladi.
Firibgarlikni oldini olishda sun’iy intellekt va Big Data texnologiyalaridan foydalanish, real vaqtda tranzaksiyalarni tahlil
qilish hamda xodimlarning xabardorligini oshirish bo‘yicha samarali choralar taklif etiladi. Sanksiyaviy komplaensni
ta’minlash maqsadida OFAC, EU va BMT sanksiyalariga mos keluvchi avtomatlashtirilgan monitoring tizimlarini joriy etish
va bank siyosatini doimiy yangilash muhimligi ko‘rsatib o‘tiladi.
Ushbu maqolada tijorat banklarining komplaens tizimini takomillashtirishga qaratilgan asosiy yo‘nalishlar va ularning
moliyaviy xavfsizlikni ta’minlashdagi ahamiyati tahlil qilinadi. Zamonaviy texnologiyalar va xalqaro tajriba asosida
komplaens tizimini mustahkamlash bank faoliyatining samaradorligini oshirishga xizmat qiladi.