Oʻzbekistonda yashil mahsulotlar eksportini rivojlantirish orqali barqaror iqtisodiy oʻsish va xalqaro integratsiyani ta’minlash

Abstract

Ushbu tadqiqot O‘zbekiston Respublikasining yashil eksport modelini, uning aylanma iqtisodiyot tamoyillariga
mosligi va xalqaro bozordagi raqobatbardoshligini baholashga qaratilgan. Iqlim o‘zgarishlari, karbon izini kamaytirish
bo‘yicha xalqaro talablar va ekologik sertifikatlash jarayonlari mamlakat eksport strategiyasini shakllantirishda muhim rol
o‘ynamoqda.
Tadqiqot doirasida miqdoriy va sifat tahlillari qo‘llanilib, so‘rovnomalar, ekspert intervyulari va statistik ma’lumotlar asosida
yashil eksportning rivojlanish istiqbollari tahlil qilindi. Karbon izini baholash, xarajat-foyda tahlili va dinamik trend tahlili
orqali ekologik ishlab chiqarishning iqtisodiy samaradorligi va xalqaro bozorlarga ta’siri o‘rganildi.
Natijalar shuni ko‘rsatdiki, ekologik toza ishlab chiqarish va uglerod emissiyalarini kamaytirish xalqaro bozorda O‘zbekiston
mahsulotlarining raqobatbardoshligini oshirishga xizmat qiladi. Yashil investitsiyalarni jalb qilish va ekologik standartlarga
moslashish esa eksport hajmining barqaror o‘sishini ta’minlaydi.
Tadqiqotda O‘zbekistonning yashil iqtisodiyotga o‘tish jarayonida eksport strategiyasini takomillashtirishga qaratilgan
ilmiy va amaliy tavsiyalarni taqdim etildi.