Aholining unumli bandligi darajasini oshirish: xalqaro maqsadlar sari qadamlar

Abstract

Aholining unumli bandlik darajasining oshishi sog‘lom iqtisodiyot va yuksak taraqqiy etgan
jamiyat mahsulidir. Unumli band shaxslar iqtisodiy o‘sishga hissa qo‘shish bilan birga, yashash uchun
iste’molga yetarli darajada ish haqi olishini kafolatlay oladi. Ushbu maqola unumli bandlikni oshirishda
xalqaro maqsadlar va milliy harakatlarning asosiy jihatlarini, ularning shaxs va jamiyatning ijtimoiy holatiga
huquqiy ta’sirini hamda unumli bandlik ko‘lamini kengaytirishga qaratilgan strategiyalarni tadqiq etadi.
Mazkur tadqiqotda aholi ish bilan bandligini tartibga soluvchi huquqiy asoslar, ulardagi aholi daromadlarini
oshirishni nazarda tutuvchi jihatlarga oid tadqiqotlar o‘rganilgan va ilmiy yondashuvlar ma’lum darajada
tizimlashtirilgan. Tadqiqotning ilmiy natijasi sifatida mamlakat aholisining unumli bandligini oshirishga xizmat
qiluvchi tavsiyalar taklif etilgan