Oliy ta’lim muassasalarida raqamli marketingni talabalar va oilalar qarorlarini hisobga olgan holda optimallashtirish

Abstract

Ushbu maqolada O‘zbekistonda oliy ta’limni tanlashda oilaviy qadriyatlar va talabalarning shaxsiy qarorlarini
hisobga olgan holda oliy ta’lim muassasalarida raqamli marketingni samarali optimallashtirish masalalari muhokama
qilinadi. Tadqiqotda so‘rovnomalar, intervyular va statistik tahlil metodlari yordamida oilaviy qadriyatlar, talabalarning
raqamli platformalardagi faoliyati hamda oliy ta’lim muassasalari uchun strategik marketing yondashuvlarining o‘zaro
ta’siri chuqur tahlil qilinadi. Tadqiqot natijalari shuni ko‘rsatdiki, oliy ta’lim muassasalari ijtimoiy tarmoqlardagi faoliyatini
oshirish orqali talabalarning e’tiborini jalb qilishi mumkin. Shuningdek, ota-onalar uchun mo‘ljallangan ma’lumotlar
universitet veb-saytlarida kengroq yoritilishi zarur. Maqola oliy ta’lim muassasalari, marketing sohasidagi mutaxassislar
va tadqiqotchilar uchun qimmatli manba sifatida xizmat qiladi.