O‘zbekistonda xizmatlar sektorini rivojlantirish va kambag‘allikni qisqartirish: empirik tahlil (2000-2024)

Abstract

Ushbu tadqiqot O‘zbekistonda xizmatlar sohasini strategik rivojlantirish orqali kambag‘allikni qisqartirish
dinamikasini empirik tahlil qilishga bag‘ishlangan. 2000–2024-yillar davridagi ma’lumotlar asosida ekonometrik
modellashtirish orqali xizmatlar sohasining yalpi ichki mahsulotdagi (YaIM) ulushi, bandlik, kapital qo‘yilmalar va
internetga kirish imkoniyatining kambag‘allik darajasiga ta’siri o‘rganilgan. Tadqiqot natijalari shuni ko‘rsatdiki, xizmatlar
YaIMning oshishi kambag‘allik darajasini kamaytirishga ijobiy ta’sir ko‘rsatadi. Shu bilan birga, xizmatlar sohasida bandlik
va kapital qo‘yilmalarning kambag‘allik darajasiga ta’siri statistik jihatdan ahamiyatli ekanligi aniqlandi. Internetga kirish
imkoniyatining kengayishi esa kambag‘allik darajasini biroz oshirishga ta’sir ko‘rsatishi kuzatildi. Tadqiqot xizmatlar
sohasini rivojlantirishning kambag‘allikni qisqartirishdagi ahamiyatini tasdiqlaydi va iqtisodiy siyosatni takomillashtirish
bo‘yicha tavsiyalar ishlab chiqishga hissa qo‘shadi.