Mahalla tizimida sohaviy islohatlarni amalga oshirish zarurati

Abstract

Ushbu tadqiqot O‘zbekiston mahalla tizimida amalga oshirilayotgan sohaviy islohotlarning ahamiyati,
mavjud muammolar va ularni bartaraf etish bo‘yicha ilmiy asoslangan takliflarni o‘rganishga qaratilgan. Tadqiqot doirasida
Samarqand viloyatining Pastdarg‘om va Urgut tumanlarida fokus guruhlar tashkil etilib, aholi fikrlari asosida mahalla
tizimidagi ijtimoiy xizmatlarning samaradorligi tahlil qilindi. Tadqiqot natijalari mahalla yettiligi tomonidan ko‘rsatilayotgan
xizmatlarning samaradorligini oshirish, infratuzilma muammolarini hal etish va aholining ijtimoiy himoya dasturlaridan
foydalanish imkoniyatlarini kengaytirish zarurligini ko‘rsatdi. Shuningdek, smart indikatorlar tizimini joriy etish, aholining
budjet boshqaruvida ishtirokini kengaytirish hamda raqamli texnologiyalar yordamida ijtimoiy yordam dasturlarining
targ‘ibotini kuchaytirish bo‘yicha tavsiyalar ishlab chiqildi.