Yashil iqtisodiyotni shakllantirish va rivojlantirishning xorij tajribasi: nazariya, amaliyot

Abstract

Ushbu maqola yashil iqtisodiyotni shakllantirish va rivojlantirish bilan bogʻliq xorijiy tajribaga aloqador nazariy
va amaliy masalalarga bagʻishlangan. Bugungi global iqlim oʻzgarishlari sharoitida, mintaqalarda yashil iqtisodiyotni
rivojlantirish bo‘yicha jahon tajribasiga tayangan holda, respublikamizning tabiiy va iqtisodiy-ijtimoiy sharoitidan kelib
chiqib zaruriy chora-tadbirlar ishlab chiqish zarurligi yoritilgan. Bu borada yetakchi oʻrinni egallab turgan AQSH,
ko‘pchilik Yevropa davlatlari (Germaniya, Buyuk Britaniya, Daniya, Shvetsiya va h.k.) va Osiyo mamlakatlari (ayniqsa,
Xitoy, Yaponiya, Janubiy Koreya, Singapur) tajribalarini oʻrganish lozimligi qayd etilgan. Xorijiy tajribani oʻrganishda
mamlakatimiz geografik sharoiti uchun xos bo‘lgan lokal xususiyatlarni hisobga olish, bunda qayta tiklanadigan energiya
manbalaridan foydalanish, energiya samaradorligini oshirish, issiqxona gazlari chiqindilarini kamaytirish, atrof-muhit
musaffoligini saqlab qolish va aholi salomatligini mustahkamlash singari yashil iqtisodiyotni rivojlantirishning asosiy
yoʻnalishlariga eʼtibor qaratish zarurligi koʻrsatib oʻtilgan.