O‘zbekistonda ishsizlikni kamaytirish va bandlik darajasinini oshirish orqali barqaror iqtisodiy rivojlanishga erishish yo‘llari

Abstract

Ushbu maqolada O‘zbekiston Respublikasining mehnat bozori va bandlikni rivojlantirish strategiyalarini tahlili
o‘rganilgan. Global iqtisodiyotdagi barqaror rivojlanish va mehnat sharoitlarini yaxshilashning ahamiyati, shuningdek,
urbanizatsiya va "yashil iqtisodiyot"ga o‘tish jarayonida yangi ish o‘rinlarini yaratish zarurati ta’kidlanadi. O‘zbekiston
hukumati tomonidan qabul qilingan ‘‘2030-yilgacha O‘zbekistonning ‘‘yashil iqtisodiyot’’ ga o‘tish strategiyasi’’ doirasida
mehnat bozori samaradorligini oshirishga qaratilgan chora-tadbirlar belgilangan. 2018-2023-yillarda O‘zbekiston
Respublikasidagi mehnat resurslari soni o‘sishi va viloyatlar kesimida o‘zgarishlar tahlil qilinadi. Maqolada O‘zbekiston
iqtisodiyotida yangi ish o‘rinlarini yaratish, ishsizlikni kamaytirish va kasbga tayyorlash kurslari kabi davlat tomonidan
amalga oshirilayotgan yirik dasturlar va ularning samaradorligi ko‘rsatilgan.