O‘zbekistonda pensiya tizimini isloh qilish zarurligi

Abstract

O‘zbekiston pensiya tizimini isloh qilish zarurligi mamlakatning ijtimoiy barqarorligi va iqtisodiy rivojlanishi
uchun muhim masala hisoblanadi. Tadqiqotda pensiya tizimining moliyaviy barqarorlik darajasi ijtimoiy adolatni ta’minlash,
aholi hayot sifatini oshirish va davlatning inson salohiyatini samarali boshqarish qobiliyatiga ta’sir ko‘rsatadi, degan
gipoteza o‘rganildi. Tadqiqot natijalari shuni ko‘rsatdiki, pensiya tizimining moliyaviy barqarorligiga erishish nafaqat tizim
samaradorligini oshiradi, balki ijtimoiy tenglikni mustahkamlaydi va fuqarolarning kelajakka bo‘lgan ishonchini kuchaytiradi.
Tadqiqot davomida pensiya jamg‘armasidagi defitsit va ishlovchi aholi bilan pensionerlar o‘rtasidagi nomutanosiblik asosiy
muammolar sifatida qayd etildi. Pensiya ta’minotini takomillashtirish uchun tizimni moliyaviy jihatdan mustahkamlash va
qamrovni kengaytirish bo‘yicha taklif va tavsiyalar ishlab chiqildi.