“Yаshil iqtisodiyot”ga o‘tish orqali bаrqаror iqtisodiy o‘sishni tа’minlаshning mintaqaviy jihatlari

Abstract

Ushbu maqolada mintaqada yashil iqtisodiyotga o‘tish, uning maqsadi va vazifalari, shuningdek, mintaqada
“yashil iqtisodiyot” asosida barqaror iqtisodiy o‘sishni ta’minlash masalalari haqida fikrlar bayon etilgan. Ma’lumki,
resurslardan oqilona foydalanish orqali iqtisodiy o‘sishga erishish iqtisodiyotning bosh maqsadlaridan biridir. Resurslardan
oqilona foydalanish bo‘yicha jahon tajribasi ushbu jarayon uzoq muddatli davrni talab etishini, katta miqdordagi
investitsiyalarning zarurligini hamda ustuvor e’tibor qayta tiklanadigan energiya manbalaridan samarali foydalanish va
energiya tejamkor texnologiyalarni rivojlantirishga qaratilganligini ko‘rsatadi.
Maqola orqali “yashil iqtisodiyot”ga o‘tish jarayoni har bir mamlakat uchun alohida ahamiyat kasb etishi, shuningdek,
tabiiy kapital, inson kapitali va mamlakatning iqtisodiy rivojlanish darajasi kabi omillarga bevosita bog‘liq ekanini bilib olish
mumkin. Shu sababli, o‘tish jarayoni qulay muhit – huquqiy infratuzilma, rag‘batlantiruvchi omillar va boshqa sharoitlar
bilan bog‘liq holda amalga oshadi. Yashil iqtisodiyotga o‘tishni qo‘llab-quvvatlash va rivojlantirish xususiyatlarini tadqiq
etish maqolada dolzarb masalalar sifatida aks ettirilgan.