Ochiq bank (open banking) faoliyatining xalqaro tajribasi va o‘zbekistonda qo‘llanilishi

Abstract

Ochiq bank (Open Banking) moliya sektori va bank xizmatlarida yangi o‘zgarishlar kiritayotgan innovatsion
mexanizm hisoblanadi. Ushbu tizim banklar o‘rtasida ma’lumotlarni xavfsiz ulashish imkoniyatini yaratib, iste’molchilar va
korxonalar uchun bank xizmatlarini yanada qulay va samarali qilishni maqsad qiladi. Xalqaro tajriba ko‘rsatishicha, ochiq
bank tizimi Buyuk Britaniya, Yevropa Ittifoqi, AQSh va boshqa rivojlangan davlatlarda keng joriy etilib, iste’molchilarga
moliyaviy xizmatlardan foydalanishni soddalashtirib, raqobatni kuchaytirmoqda.
Ushbu maqola ochiq bank tizimining ilg‘or xorijiy tajribalarini tahlil qilish va ularni O‘zbekistonda qo‘llash imkoniyatlarini
o‘rganishga qaratilgan. O‘zbekistonda raqamli iqtisodiyotning rivojlanishi va moliyaviy texnologiyalarga bo‘lgan talabning
oshishi bilan birga, ochiq bank xizmatlarini tatbiq etish dolzarb masala hisoblanadi. Maqolada ochiq bank tizimining
afzalliklari, muammolari va O‘zbekistonda joriy etish yo‘nalishlari, shuningdek, tartibga solish va huquqiy asoslar ko‘rib
chiqiladi. Xalqaro tajriba, O‘zbekiston uchun qanday foydali modellardan foydalanish mumkinligini tahlil qilish imkonini
beradi va ochiq bank xizmatlarini muvaffaqiyatli joriy etish yo‘llarini belgilashga xizmat qiladi.