O‘zbekistonda aholi omonatlari va ularni kafolatlash tizimi

Abstract

Mazkur maqolada O‘zbekiston tijorat banklarida aholi omonatlarini jalb qilish va ularni kafolatlash tizimining
dolzarb masalalari tahlil qilingan. Bank tizimi uchun aholi omonatlari iqtisodiyotga uzoq muddatli resurslarni jalb etishning
asosiy manbalaridan biri hisoblanadi. Mamlakatimizda omonatlarning kafolatlanganligi, ular bilan bog‘liq xavfsizlik
choralarining joriy etilishi va omonatchilar huquqlarining himoyasi bo‘yicha muhim yutuqlarga erishilgan. Xususan,
omonatchilar ishonchini oshirishda ularning mablag‘larini kafolatlash bilan birga innovatsion xizmatlarni joriy etish,
mijozlarga moslashuvchan shart-sharoitlar yaratish va foiz siyosatini takomillashtirish muhim ahamiyatga ega. Mazkur
maqola bank tizimida barqarorlikni ta’minlash, aholi omonatlarini ko‘paytirish va moliyaviy tizimning rivojlanishiga xizmat
qiladigan yechimlarni shakllantirishga qaratilgan.