Korxonalar moliyaviy barqarorligini ta’minlash mexanizmini takomillashtirish
Keywords:
korxona, moliyaviy barqarorlik, modernizatsiya, sanoat, baholash, moliyaviy ko‘rsatkichlar, mutlaq va nisbiy ko‘rsatkichlar, o‘z-o‘zini moliyalashtirish.Abstract
Jahon xo‘jaligidagi iqtisodiy tanazzul holatlari va dunyo iqtisodiyotidagi tarkibiy o‘zgarishlarga uchrayotgan
bir davrda mamlakatda faoliyat ko‘rsatayotgan korxonalar moliyaviy barqarorligini ta’minlash muhim vazifalardan sanalmoqda.
Korxonalar milliy iqtisodiyotning muhim tarkibiy qismi bo‘lganligi bois ularning barqaror rivojlanishini ta’minlash
mamlakatni barqaror rivojlantirish uchun asosiy omillardan sanaladi. Korxona qiymatini oshirishning eng muhim omillaridan
biri korxonaning moliyaviy resurslaridan samarali foydalanish orqali uning moliyaviy barqarorligini ta’minlashdir.
Moliyaviy barqarorlikni baholashda korxonalarning xususiyati inobatga olinadi. Bu esa, o‘z navbatida, korxonalarning
moliyaviy barqarorligini to‘liq baholashda bir qator qiyinchiliklar tug‘diradi. Maqolada korxonalar moliyaviy barqarorligini
ta’minlash, uni baholash ko‘rsatkichlari ilmiy-nazariy va amaliy jihatlari tadqiq etilgan. Shuningdek, korxonalar moliyaviy
barqarorligini ta’minlash yuzasidan takliflar ishlab chiqilgan.
