Kreditlash jarayonlarida xulq-atvor iqtisodiyoti omilini joriy etish istiqbollari
Keywords:
kredit, qarz yuki, to‘lov qobiliyati, kredit portfel, muammoli kreditlar, xulq-atvor iqtisodiyoti,, iste’mol krediti, avtokredit, kreditga layoqatlilik, kredit skoring, kredit tarixi.Abstract
Iqtisodiyotni barqaror rivojlanishida bir qator omillar ichida xulq-atvor iqtisodiyoti muhim tarmoqlardan hisoblanadi.
Hozirgi jahon tendensiyasiga e’tibor qaratsak, xulq-atvor iqtisodiyoti oxirgi yigirma yillikda eng katta urg‘u berilayotgan
sohalardan biri hisoblanadi. Dunyoning ko‘pgina rivojlangan mamlakatlarida bank-moliya, marketing va boshqa
biznes kompaniyalari bu sohani o‘rganishga, joriy etishga va maksimal foydaga erishishga harakat qilishmoqda. Ayniqsa,
marketing va kreditlashda mijozlarni jalb qilishda insonlar xarakteriga ta’sir etuvchi omillarni keng qo‘llashmoqda.
Respublikamizda hozirgi kunda tijorat banklari tomonidan mijozlarni kreditlashda kredit tarixi va ish haqi daromadlarini
hisobga olgan holda kreditlar ajratilmoqda. Biroq, xorij tajribasidan ma’lumki bu usulda kreditlashning bir qator kamchiliklari
mavjud va cheklangan miqyosdagi mijozlarni jalb qilishni taqozo etadi.
Mazkur maqolada jismoniy shaxslarni keditlash tizimi, kredit skoring tushunchasi, amaldagi respublikamiz banklarining
kreditlash tartib qoidalari va to‘lovga layoqatlilikni aniqlash usullari keltirib o‘tilgan. Shuningdek, xulq-atvor iqtisodiyoti
omillariga asoslangan holda kreditlash amaliyotining xorij tajribasi, ilmiy tadqiqotchilar qarashlari va ilmiy ishlari qayd
etilgan. Shulardan kelib chiqqan holda, respublikamiz banklari va kredit tashkilotlarida xulq-atvor iqtisodiyoti omilini joriy
etishning ahamiyati va istiqbollari yoritilgan.
