Atrof-muhitga zararsiz, tabiiy tarkibli korroziya ingibitorlari turlarini tahlil qilish
Keywords:
korroziya, konserogen, morfologiya, xemosorbsiya, pitting, galvanik himoya, depolyarizatsiya, imidozolin, emissiya, mikroark, delaminatsiya.Abstract
Bugungi kunda neft va gaz sanoatida metal konstruksiyalarining korroziyaga uchrashidan mamlakat iqtisodiyoti
jiddiy zarar ko‘rmoqda. Korroziya jarayonini butkul to‘xtatishning iloji yo‘q. Lekin uni oldini olish, korroziya jarayonini
sekinlashtirish mumkin. Buning uchun lak-bo’yoqli, epoksi va polietilen qoplamalar ishlatilmoqda, uskuna yasalayotgan
metalning tarkibiga turli xil korroziyabardosh boshqa metallar bilan ishlov berilmoqda hamda ingibitorlardan foydalanilmoqda.
Antikorrozion ingibitorlar metal sirtida himoya qatlamini hosil qilish yoki korroziya reaksiyasini o‘zgartirish orqali
korroziyani oldini olish uchun materiallarga qo‘shiladigan modda yoki moddalar birikmasidir. Ingibitorlarning turlari juda
ham ko‘p bo‘lib tarkibiga ko‘ra ular organik yoki noorganik bo‘lishi mumkin. Noorganik moddalardan tayyorlanadigan
ingibitorlar sanoatda organik ingibitorlarni qo‘llashga mos kelmaydigan yuqori harorat va bosimli muhitlarda qo‘llaniladi.
Noorganik ingibitorlar yakka holda va organik ingibitorlar bilan birgalikda qo‘llaganda ham yuqori samaradorlik berishi
aniqlangan.
